مهما تقولوا احنا بشر
لا ننهزم ولا ننكسر
بشر .. كل ما تضيق بينا الحياة
نصرخ بعلو الصوت يا قدر

بنصرخ ..
همومنا جبال لكن
عزمنا جوه القلب ساكن
وكل ما نتعب ..
يتولد جوانا انسان ..
اقوى من الزمن ومن الاماكن

بنحلم ..
والحلم يصير حقيقة
تترسم جوه عيون بريئة
حلمها الحرية ..
يضيق السجن .. تحلم
أحلامنا حق مش خطيئة

بنغني ..
لما تضيق بينا الحياة
غنوة ترجع نبضنا اللي تاه
ولما نتخنق ..
وما نلاقي غير العود
يوصل بينا الابداع منتهاه

بنرسم ..
على عتمة الزمان نور
عالحزن فرح وسرور
بنصنع دنيتنا بايدينا ..
وعمرنا ما قلنا ..
ده قدر مقدور

لأني بشر ..
كلي حلم وثورة وايمان
لأني سواء كنت قوي او ضعيف ..
أنا في الاخر انسان