وطني الغالي كل سنة وانت طيب ..

قبل اي حد تاني ..

لانك اغلى حاجه في الدنيا .. واهم حلم الواحد بيحلمه كل يوم

لانك نبض الاحساس في قلبي .. وشريان الحياة للقلب المكلوم

كل سنة وانت طيبة يا مصر .. بشعبك البسيط وارضك الحنينة .. بمبانيكي ومصانعك .. بترابك ونيلك

كل سنة وكل حاجه فيكي بخير يا مصر يا احلى وطن في الوجود

وكل سنة وانتم بخير يا اهل مصر يا اطيب واحن واحلى شعب في الدنيا ..

وكل سنة طبعا واخوانا العرب والمسلمين في كل انحاء العالم بخير

ويا رب دايما اعياد وفرحه يا وطني الغالي ..

ويا رب العيد الجاي تكون شكل تاني .. وتنزاح الغمة اللي على قلبك الابيض يا وطني يا وطني

بجد سعيد وانا بقولك يا وطني لانها اجمل كلمة بحس بحلاوتها على لساني

وان كانت العيشة فيك يا وطني مرة .. فيهون مرارتها حلاوة حبنا ليك

يا رب يا وطني العيد الجاي اقولك كل سنة وانت طيب ويكون فجر الحرية مسح عتمة الليل من على جبينك

ويكون الحال غير الحال .. ويكون الشعب ثار وصنع المحال

يا رب يا مصر .. يا رب يا وطني

كل سنة وانت بخير يا امي ويا اخواتي ويا اصحابي .. ويا رب العيد الجاي يكون كل واحد حقق اللي اتمناه

كل سنة وانت بخير يا كل مصري وعربي ومسلم واحد واحد …

وتاني كل سنة وانت طيبة يا غالية يا اغلى من الوجود كله .. يا مصر يا مصر يا احلى مصر

والف بوسة مني على جبينك وعلى ايديكي يا مصر يا امي